جل لاينر INGLOT ..

السلام عليكم ورحمة الله

صباح الخير جميعاً

جل لاينر انجلوت الشهير <3

أول شي انا اعاني من جفني الدهني .. أي كحل احطة من دون برايمر لازم يطبع بجفني وبعضها بعد فتره من لمن احطه يبهت لونه وبعضها يبدا يتمسح من نفسه كذا مدري شلون :|

الى ان طحت على محمود سعيد .. حبييته جداً ناسبني كثير بس عيبه مايروح بسهوله وأحياناً تدمع عيني منه اذا دخل بعيني

بس سواده فاحم وثابت مره مره 

الى ان جا اليوم الي كنت فيه عند اهلي بالعيد رجعت لبيتي وادور الكحل صرت نسيته عندهم :D

وجلست من غير كحل كأن فيه شي ناقصني ههههه

المهم صرت احط شدو اسود يعني قالك كحل او ارسم بقلم كحل عادي ومابي اشتري اي كحل تصبيره يعني صابره لأن ادور على شي غير محمود سعيد ابي شي خفيف على العين وجوده ممتازه وسواد وثبات .. فكنت احوس باليوتيوب ومدونات الميك اب والبلوقرز وغالبا يكون الي يمدحونه مو متوفر بالمكان الي انا فيه 

عاد بهالفتره عندنا مول فتح جديد بالجبيل رحنا نستكشف المكان ولقيت انجلوت موجود واو اخيراً

اول ماشفته على طول جا ببالي الجل لاينر حقهم لأني من زمان ابيه وعاشقته على كثر المدح الي عليه, على طول خذيته وسعره مع الكميه الي فيه حلوه

وصراحه مو خساره فيه ابد ابد اخذته مع الفرشه المعكوفه تقريباً 150 ريال.. سعر الجل لحاله يمكن 80 ريال ..

بس لمن جربته رهيب ثابت ومايطبع ومع الحر والرطوبه معروف ان الكحل عموماً مهما كان نوعه يطبع او يسيح ويتلخبط بس هذا ابداً ماشالله تبارك الله .. من الصباح لليل ثابت والجميل انو مو ضد المويا يعني اغسل فيه ومايروح ولا يتلخبط <3

اما بالنسبه لطريقته بالرسم سهله على طول ينمد على الجفن وسلس


هل المنتج ممتاز من بعد تجربتي؟
ايه نعم 
السعر بالنسبه للكميه حلوه
تغنيك عن شراء كحل جديد كل كم شهر لان هذا بصراحه جلس معاي سنه كامله ولسه نص الكميه ماخلصتها ماشالله
بس مارح ارجع اشتريه لان كميته كثيره علي غير انو صار صعب ينمد على العين بسبب جفافه ومارح اشتري القطره لاني رح استخدمها لغرض معين , فمابستفيد منها

وبس والله <3

مشتهيه حلى وماعندك وقت للتحضير!

بسم الله الرحمن الرحيم

السلام عليكم ورحمة الله وبركاته

اليوم التدوينه مطبخيه هههه

احياناً الواحد تجيه شهوه على شي حالي بس ماله خلق يسوي شي طويييل ويفقد حماسه للحلى ويبطل ياكله

او اذا اكله مايحس بالطعم الي يبيه هههههه 

مع العلم انا وحده مهما حاولت اني اتفنن بالحلويات واجرب شي جديد الا اني اخفق فيها ونادر يطلع معي شي مضبوط فذلك اختار الطريقه الاسهل والي اضمن انها ناجحه ومارح تحوسني واتحسف على المقادير والوقت الي راح 

المهم جبت لكم اليوم طريقه بسيطه و اتوقع فيه كثير يسونها بس انا توني طايحه فيها من فتره :D .. وكل مره اغير واضيف لها شي عاد هنا لعبتي :P ..

نجي للمقادير..

•  ١٥٠ مل الى ٢٠٠ مل حليب بارد
• ظرف كريم كرميل
• ظرف دريم ويب
• نصف ملعقة شاي الى ملعقه نسكافيه
• وشوي من الحليب المكثف المحلى

• كيك جاهز او بقايا كيك (مفتفت او مكعبات صغيره)

وللتزين اختياراتك من..

• جوز ولوز 
• فستق 
• مالتيزر وتشوكلت
• بودرة كاكاو

..

نبدا بتحضير الخليط

نحط كل المقادير ماعدا الكيك طبعاً ونخفقها لحد ماتتجانس وتثقل

الحليب المكثف المحلى انتي حطي على حسب درجة الحلاوه الي تبينها. يعني حطي وذوقي وكذا

واذا خلصتي خفقتيهم حطي الخليط بكيس نايلون او قمع التزيين او علبه حافظه وبالفريزر لمدة ربع الى ثلث ساعه عشان يتماسك ويتكثف اذا ماتكثف معك بمرحلة الخفق 

والحين نكون محضرين صحون التقديم

ونحط الكيك بالقاعده ونضغط عليه شوي ونحط طبقه من الخليط إما بالقمع يكون اسهل او بالملعقه وعادي لو كان فيه فراغات 

وبعدين نحط كيك وبعدين خليط ونكمل حسب الكميه الي عندنا واهم شي تكون آخر طبقه خليط الكريمه

ونزينها بتشوكليت او فستق وممكن بين الطبقات ترشين فستق ولا لوز وجوز مدقوق

او ترشين بودرة كاكاو.

وبس عليك بالف عافيه استمتعي بالطعم وعلى فكره اذا باقي عندك من الخليط ممكن يجلس بالثلاجه لمدة ٤ ايام .

وجبة سريعه وبسيطه 💗 ..

السلام عليكم ورحمة الله 

كيفكم ياحلوين ان شالله بخير 

اولاً بما اني انسانه مالها بال طويل بالطبخ والوصفات المحترفه ف دائماً الجأ للاطباق البسيطه احم 

 طبعاً ياكم طبق فشل بس اكلناه كاننا ماندري انه فشل

 وياكم طبق اثار اعجابي من اول محاوله واحس اني فنانه ومبدعه وابدا اتخيل نفسي شِيف في برنامج تلفزيوني وكذا هههههه

بس ضروري الشخص يتعلم من اغلاطه عشان مايعيدها وعادي اذا الوحده ماتعرف تطبخ تعلمي اساسيات الطبخ وباذن الله امورك تمام

المهم .. قبل كنت ماهتم من جانب التقديم نهائي واشوفه شي ماله داعي 

جلابيتي الأولى :)

السلام عليكم ورحمة الله وبركاته ..

صباح الخير عليكم جميعاً

في رمضان الناس تحب الجلابيات والبعض يحس انها من أهميات رمضان فيبدون بقبل رمضان بفتره بتجميع الجلابيات

سبحان الله قبل ماكنت افكر بهالشي وماشوفه شي ضروري برمضان واستغرب اقبال البنات عليها 

ورمضان هالسنه قررت اقتني جلابيه بس عشان اعرف ايش الرابط هههههه

اشتريت وحده من فئة الشالكي كذا حلوه وبارده

وبعدين فكرت اخذ جلابية تنفع اكشخ فيها لو عندي فطور او قهوة التراويح وكذا

وكأي بنت طبيعيه فتحت انستغرام ادور جلابيات

سعودي ولكن لقيط ..

بعد قراءتي لهذا الروايه او كما تم تصنيفها سيرة ذاتيه

تأثرت كثير كثير عاطفياً مع هذا الشخص الي انظلم من مجتمع سطحي تهمه الشكليات والقشور دون النظر للباطن والتفاصيل

مع ان في بداية الكتاب قال الكاتب بانه لا يرجوا اي شفقه او رحمه او تعاطف معه بس ماتقدر تقاوم، في اجزاء وصلت لها كنت ابكي معه من القهر! منها حلم الكاتب في انه يكون طيار حربي.. لاسباب شكليه متعنصره للقبليه، طيب لو نجي نفصل المسأله

عين كافيه , غابة الزيتون .. الخبر

بسم الله الرحمن الرحيم

اولاً كل عام وانتم بخير وينعاد علينا وعليكم بالصحه والعافيه يارب 

التصوير بـ iPhone 5s وأيضاً التأثير

طبعاً بالعيد ماشالله يبدا الشغل الثقيل للمطاعم فطور غدا عشا شغالين على طول 

حتى لو تسال حد 

- وينك؟

- بالمعطم! .. 

لول

كل السناب شاتيين الي عندي لليوم الثالث على التوالي مايرسلون الا مطاعم وكفيهات وأكل ماشالله , طبعاً أنا مثلهم يعني

زيارتي للكافيه والمعطعم كانت ثاني العيد بتاريخ 5 أكتوبر

فضفضه ~

-

فيه وحده عربيه بانستقرام نشرت خبر اشاعه عن فتوى بالسعوديه (يجوز اسعاف المرأه لكن بشرط عدم لمسها)

 انا ماعمري سمعت عن الفتوى لكن من واقع اعيشه انقهرت منها ليش تنشر هالشي المغلوط وتقول شي غريب (يعني ضحكوني هالسعوديين!)

ارتفع ضغطي ولمن قريت الردود بردت حرتي ماشالله ماقصروا معها حتى الخليجيين وقفوا ضدها الي اسلوبه زين والي اسلوبه زباله الله يهديه.. انا ماهمني ايش جنسيتها بس اذا هي ماشافت بعينها ومتأكده وعاشته لا تتكلم وتنشر .. مب بس هي اي شخص ينشر اشاعات عن اي شي هو مب متأكد منه

انا احكي من تجربه شخصيه

زميله لي بالثانويه تعبت ومحتاجه اسعاف، جوا الاسعاف المدرسه واسعفوها مع العلم ان ولي امرها ماكن موجود ولا اي شخص يقرب لها متواجد؟ والاسعاف كانوا جميعهم رجال! اسعفوا البنت وانتهى الموضوع على خير

فمين الي له الحق يحكم انا الي عشت هالشي او الي عايشه بمكان مادري وين وحكمت؟ 

نزلت ڤديو بعد الصوره تقول انكم اتهمتوني باني مقصره بالدين لاني ماتحجبت! لكن انا مو مقصره بس لاني انا قررت اني ما اتحجب مو معناه مقصره وكل وحده تروح تهتم بدينها وحجابها! ، شي ينرفز صح؟

ماخلوها حتى بهالڤديو .. راحت حذفت الصوره والڤديو لول اقدر لها هالشي، كان مفروض انها لمن عرفت ان الخبر اشاعه حذفتها ماسترسلت مع المتابعين وردت عليهم وردوا عليها لحد مازاد الوضع عن حده وبدأوا يسبونها! صحيح اني احترمها كشخص لكن معليش ماتتعدين حدودك وما اتعدا حدودي صحيح ان فيه اشياء بالسعوديه ماتعجبني بس تظل وطني! فيه اشياء افتخر فيها واشياء للامانه ماودي تنذكر

مع العلم اني احس الآن السعوديه بدت تتفتح لكن ماتخلى من العقول المتخلفه المتعسفه الي الدين والإحسان فقط للرجال المرأه تاكل تبن وتنطق في بيتها واوص ولا كلمه!

يعني احس فكرة التشدد الفضيع الي كان زمان والمحرم الي لازم بكل مكان شاقلته معك بدأ ينجلي شويه شويه لكن افضّل تبقى هويتنا السعوديه موجوده ولا مانع من التطور والحريه الي من ابسط حقوقنا و لازلنا محرومين منها كانساء :(