السلام عليكم ورحمة الله وبركاته
صبحكم الله بالخير ومساكم الله بالخير
هالمره موضوعي عن لوحة انيقه سويها بنفسك
طبعاً من فتره صارت الاشكال الهندسيه دارجه بكل حاجه وخطوط الزيكزاك بالذات في الاثاث والملابس والاكسسوارات (يعني صيحه :D)
اخذت الفكره من بنوته جميله اسمها نورا باعقيل في الانستغرام
beauty_of_id مصممة ديكور تبارك الله
طريقتها جداً سهله وشرحها واضح الله يسعدها وان شالله يكون شرحي مفهوم
كانت في بالي اني اسوي اللوحه ومرت الايام وراحت عن بالي, ورجعت ادور الحساب والبوست لفيت لحد مالقيتها :D
وطبقتها والحمدالله..
المهم اترككم مع الطريقه ..
نحتاج :.
لوحة رسم (بامكانك تستخدمين لوحه قديمه حبيتي تغيرينها) - الوان اكريليك - اسنفج لتلوين - لزاق او لصاق (المصطلح المعروف عندكم) - مثلث للرسم - قلم مرسم
1- لازم نأسس اللوحه بلون ابيض اذا حابه بلون اكرليك او ممكن بخاخ ابيض, اذا لوحه قديمه حطي كم طبقه لحد مايثبت اللون الابيض عندك ويغطي الالوان الي قبل
2- بعد ماينشف اللون ترسمين خطوط بشكل مثلثات .. بالقياس الي انتي تبينه ويناسب مقاس اللوحه .. انا قست عرض الخطوط والمسافه بين زوايا الخط الواحد والمسافه بين الخطوط ووصلتها ببعض بس والله نسيت كم كانت مقاساتي :D
يعني مثلاً مثل كذا
3- تحطين اللزاق على حافة خطوط المثلثات عشان لمن تلونين بالذهبي مايتخربط معك ويكون مرتب (لزاقي كان شفاف وانا اشوف الافضل تستخدمين اللزاق الي خامته ورقيه)
4-حطي من اللون الذهبي على الباليت وماتكثرين نقطتين ثلاثه وخذي بالاسفنجه وامسحي الزايد من اللون على طرف الباليت وبالبطبطه لوني لا تدهنين لان بالطريقه هذي تخربين اللوحه .. وكل ماخلص الي بالباليت حطي زياده
5-اذا خلصتي من التلوين شيلي اللزاق قبل لا ينشف اللون
6- تفشخري باللوحه ههههههه
اللون الي استخدمته تلاقونه في مكتبة جرير هذي صورته (من النت) ولا اتذكر كم كان سعره
وبس *.* ايش رايكم بتطبيقي ؟! وان شالله الخطوات واضحه *.*؟!
ترا اللون فيه لمعه بس مادري اذا واضحه لكم لمعته!
فوتكم بعافيه
ليست هناك تعليقات:
إرسال تعليق