السلام عليكم ورحمة الله وبركاته
احم :*
لي فتره احاول أتعلم الخياطة والتفصيل وهذي التنورة الجميلة من أحد مشاريعي المبتدئة :P
اول ماشفت هالقماش ماقدرت اوخر عنه كنت ابغا اخذ كل الوانه بس استهديت بالله واخذت واحد اقول لنفسي لسه بدري تاخذين كم شكل :D اجرب على هذا بالاول
جلس شهر يحوس كل يوم افكه وأجلس افكر ايش اسوي فيه وكيف أسويه :D وبعدين خلاص يقفل مخي والف القماش وارميه بالكيس
قررت اسويه تنوره كلوش,طبعاً انواع الكلوش تختلف X_X وانا توني اعرف ان له كم نوع
كنت ناويه تنوره دائريه رح تكون مره واسعه بس تحتاج كمية قماش أكبر من الي عندي , الخياطه والتفصيل مو سهله بس مو صعبه ! احاول اطور من نفسي ^^ وبإمكان أي وحده تسويها سهله جدا ..
والحمدالله سويتها وطلعت بنتيجه جداً ممتازه وماكنت متوقعه تطلع مرتبه كذا <3 حبيتها, تخيلوا اني خيطتها وعلى طول لبستها بالبيت فرحانه فيها :D وكانت عندي مناسبه من بكره وجلست انسق لها عشان البسها بالمناسبه .. لبستها وأنا فخوره بالي سويته هههههه
حلو لمن تسوين حاجه بيدك كملابس مثلاً أو لوحات ورسومات أشغال يدويه مجوهرات اي شي تصنعينه بنفسك
من وجهة نظري هالشي يعزز من ثقتك بنفسك ويساعد انك تكونين انسانه منتجه ومستفيده
من وجهة نظري هالشي يعزز من ثقتك بنفسك ويساعد انك تكونين انسانه منتجه ومستفيده
اذا فيه أي تعليق او غلط في شغلي نبهوني عليه رجاءً *بوسه* لكم جميعاً
Walllla ^^
القاكم في تدوينه قادمه
ليست هناك تعليقات:
إرسال تعليق