السلام عليكم ورحمة الله
كيفكم ياحلوين ان شالله بخير
اولاً بما اني انسانه مالها بال طويل بالطبخ والوصفات المحترفه ف دائماً الجأ للاطباق البسيطه احم
طبعاً ياكم طبق فشل بس اكلناه كاننا ماندري انه فشل
وياكم طبق اثار اعجابي من اول محاوله واحس اني فنانه ومبدعه وابدا اتخيل نفسي شِيف في برنامج تلفزيوني وكذا هههههه
بس ضروري الشخص يتعلم من اغلاطه عشان مايعيدها وعادي اذا الوحده ماتعرف تطبخ تعلمي اساسيات الطبخ وباذن الله امورك تمام
بس الحمد الله صرت اهتم من التقديم والشكل الجمالي للسفره والطبق لان العين تاكل قبل الفم
طبق بسيط جداً ومعتاد يفرق كثير لمن يتقدم بطريقه مرتبه تشتهينه
قبل كنت بالتمبلر انبهر بصور الاكل واحس الاكل واو لذيذ والسبب كله من التقديم والتصوير الي يطلع لك الطبق فضيع, يخليك تتمنين تذوقينه وهذا الي دايم يحصل معي
ومو شرط تكون ادواتك وصحونك باهضه عشان يطلع الطبق مرتب ! البساطه حلوه والترتيب مطلوب, تفنني واطلقي العنان لمخيلتك هههههه
اليوم اخذت راحه طول الاسبوع اطبخ اطبخ قررت اسوي شي سريع وبسيط
الي هو (ماكروني تشيز )
الوصفه اخذتها من مدونة A chic thnings طلّوا عليها
احب اسوي منها وصفات وضروري تجربون وصفة التمر الي مع السميد نسيت اسمها, طبق شتوي بامتياز..
اولاً: السلطه وكتغير عن الشكل المعتاد حطيت زبادي وصفيت فوقه اصابع خيار وخس مع رشة سماق
بيالة الشاي مب بس للشاي..
وهنا المكروني تشيز
حطيت فوقها بقسماط ودخلتها الفرن ١٠ دقايق تتحمر
يمي يمي..
واخيراً عشان نحلي بآخر التدوينه قطعه كريم كرميل ..
زينتها بكريمه جاهزه لان الحياة بسيطه
وبس ..
ان شالله التدوينه خفيفه وحلوه
استودعناكم الله
ليست هناك تعليقات:
إرسال تعليق